|
رد: جــــــدول الخــواطـــر ~~~~
عندي حلطمة ثانية 
اليوم جتني رسالة تحاول توصل فكرة جميلة
لكن القصة كان فيها خلل
كانت القصة تبي تعطينا فكرة عن الأجانب وكيف أنهم خلوقين ونبي نتعلم منهم هذي الصفة
جميل جدا ليش لأ
تقول القصة ما معناه
سألت زميلتي من هو زميلنا "فيليب"
وكل ما عطته البنت صفة كان يرد: ما عرفته
فكانت تقول، هذاك اللي لبسه مرتب، اللي شعره ممشط، اللي ثيابه نظيفه، باقي شوي وتقول له هذاك اللي فيه يدين ورجلين 
وما عرفه إلا لما قالت له هو اللي يستخدم كرسي متحرك، فعرفه على طول
ما يستفاد من القصة، أنك المفروض ما تذكر الصفات السيئة في الشخص كعلامة وتحاول تتجنب ذلك قدر الإمكان
الفكرة حلوة، بس القصة بيض
لما أبغاك تعرف شخص طبيعي أذكر صفة مميزة فيه
كل واحد له صفات مميزة إما جيدة أو سيئة
الصحيح إننا ما نذكر الصفات السيئة، أو نذكرها بأسلوب لطيف
مثل الأعمى يقال عنه كفيف، أو الأعور يقال عنه كريم عين
وفي هذي القصة كانت تقدر تقول مثلا هذاك اللي ذاك اليوم جاوب الجواب الفلاني على الدكتور في المسألة الصعبة، أو شيء من هذا القبيل
مو تقول له اللي لبسه نظيف، أنا كذا فهمت أن كل الطلاب لبسهم مبهدل، لأني جالس أنتظر تقول لي صفة مميزه
نلقاكم في حلطمة قادمة
|