|
رد: انطباعكم عن اختبار ادارة التغيير - الفصل الثاني 1439
اقتباس:
المشاركة الأصلية كتبت بواسطة solotica
ترمي بلادتك ع غيرك وتقاوح فوق انك عنصري
انا اشوف ان الدكتور قبل الاختبار كان واضح وصريح وقال ان الاسئله بتكون دقيقه وان لازم نحفظ الخطوات والمراحل بالترتيب وبهالاسلوب بيبين اللي مذاكر واللي مو مذاكر بذمه وضمير .. وبالنسبه للجنسيات ترى فيه سعوديين العن منه بالاسئله ف لا تخلط الرز بالطحين بارك الله فيك
|
الرجال صادق بكل كلمه قالها والدكتور هذا مافيه العن منه ومايحتاج نقنعك اصلا علشان تخشين كذا وكاننا مبزره ومانفهم شي وانتي الي فاهمه كل شي .. اهدى من كذا وناخوك
الغير سعودي في الغالب مايتمنى لك التوفيق في حياتك الدراسيه و العمليه ويطبق عليك النظام بحذافيره علشان يشوفك تتعذبين وماتقدرين توصلين لمستواه الا من رحم ربي ... وهذا الشي اقوله لك من تجربه شخصيه في دراستي بجامعة الملك سعود لين تخرجت منها وكنت منتظم فيها ... وفي حياتي العمليه في الشركات الي توظفت فيها ... وحاليا في جامعة الملك فيصل ... في الاخير ابي اقولك لو انا دكتور وانتم طلاب عندي اقدر اخليكم تفهمون الماده واحببكم فيها واعطيكم اختبار واقعي وشامل للمنهج واخليكم بالاخير تدعون لي ،،، واقدر بطريقه ذكيه امزمز عليكم واخليكم تفهمون الماده واطمنكم في المحاضرات المباشره ثم اتفنن عليكم في الاختبار والحس مخكم حتى لو انكم حافظين وفاهمين المحتوى مع ارقام الصفحات! ... وياحلوهم السعوديين مهما بدر منهم ولا اقول فيهم مثل ما انتي تقولين ... اتمنى تتقبلين كلامي بكل روح رياضيه واعتذر اذا ضايقتك بشي لاسمح الله ... واستغفر الله العلي العظيم لي ولكم ... ومهما حصل احنى اخوان وتجمعنا جنسية وحده والمفروض نكون يد وحده ونعاون بعضنا ... وبالتوفيق للجميع ان شاء الله
|