المشاركة الأصلية كتبت بواسطة %حوور%

هالموضوع يمكن المرة العاشرة افتحة واذا جيت ارد انشغل وانساه
الاسم :ح.م
العمر:في العشرينات

الحمد لله متفوقة في دراستي ودايم اخذ مكافئة التفوق
كنت في منطقة عسير والان في ديرتي في منطقة الرياض
مركز اختبار خميس مشيط كان زحمة واحس برعب ايام الاختبار ولازم اجي قبل الاختبار بوقت ادور قاعتي ورقم العمود ورقم الصف وحوووسة والمراقبات يهاوشون أما في ديرتي ياحليلهم البنات ينعدون على الأصابع وبس قاعة وحدة والمراقبات كنهم نسمة هواء الواحد مايحس فيهم
ماعندي مواقف مهمة تذكر خلال دراستي ماشية على الصراط المستقيم ماصدقت اني انقبل في الجامعة
افضل المستويات كان المستوى الاول والمستوى الثامن الأول فرحة القبول والثامن فرحة التخرج بإذن الله
افضل المواد هي الادب الانجليزي بكل اشكالة من عصر النهضة والشعر الرومنسي والرواية والمسرحية بصراحة أنا أحب الافلام الي كذا يعني الي لها علاقة بالادب الانجليزي احب اتابعهم مع أن بهذلني ادب الأطفال
اكثر مواد غثتني انشاء وتعبير ١ و٢ كانت المنهج شي والاختبار شي ثاني مررة خفت من الاختبار كنت احل من راسي ومادة إدارة الأعمال في المستوى الاول مدري كيف عديتها
واكرة مواد اللغويات
اسوء ترم هو الترم السابع لاني اخذت مواد كثيييرة (٩)مواد ومرررة تعبت في المذاكرة
وكمان المستوى الرابع مريت بظروف صحية أجلت منة كم مادة
امممم وش بقى
افضل دكتور عبدالعزيز التركي احسة انسان مثقف وله طريقتة في شرح المادة
وبعد دكتور مادة الاحصاء المصري الله يسعدة مو ناسية صوتة كان يشرح بذمة وضمير
اكثر مواد خفت منها بس اختبارها كان حلو هي الترجمة الإبداعية واللغويات التطبيقية مدخل اللغويات
والحين خايفة من مشروع التخرج المشرف على مشروعي دكتور مادة تحليل الخطاب ومن طريقة اختباره مايبشر بالخير
احس تكلمت كثير
حاجة اخيرة لاحظت معدلي التراكمي في جميييييع المستويات ماتغير بس المعدل الفصلي