الغياب الموجع يجيب القصــــــيد
عقب وداني على الماضي وجـــاب
قمت انقص فالبيوت وقمت ازيــد
ثم عرفت اني جريح من الغيــــاب
كنت ببدا فالهوى عهدٍ جديــــــــد
واهتدى قلبي بعد سلّـــــــم وذاب
ودي ادخل فالمفيد من المفيــــــــد
مير من وين ابتدي وافكّ بـــــــاب
دام نلقى فالصراحه مانريــــــــــد
ليش ندفن طيّب القول بتــــــراب
فالجواهر (جوهره)نوعٍ فريـــــــــد
تستحق الشعرِ دامه مايعـــــــــاب
درةٍ بانت من بعيـــــــد لبعيـــــــد
لين بيّن حسنها وسط الســـــــراب
لو بكمّل ماهو برايٍ سديــــــــــــد
يمكن اطبع في محاسنها كتـــــاب
كيف جات ولينت قلبٍ حديـــــــد
كيف تخلف قلبٍ مجرب وتــــــاب
من بعد صوم المشاعر جبت عـيد
ولاعلى الشاعر بعد شوقه عتـــاب
مدري يصير اللقى بعيدٍ سعيـــــد
او بهالابيات تلويحــة ذهـــــــــاب👋🏻
سعد الروقي