آه واويلاه من همن سرا بي
زل نصف الليل نومي ما هنيته

غير رب البيت ما حي درا بي
كاشف الضيقات لا ضاقت نصيته

أتشفق عبرتي من حر مابي
وأتجمل بالصبر لو ما قويته

يا كبر همي ويا معظم مصابي
وآه من جرحن عن العالم كنيته

خايف من هرجتن من لا حكى بي
علم الجيران وأمه وأهل بيته

عن عيون الناس تسترني ثيابي
وكل حي غير ربي مارجيته

ويوم شفت إن الكفن ماله مخابي
كل مايطري على بالي شريته

إستعنت بطاعة الله في شبابي
وماتيسر من كتاب الله قريته

جعل رفاع السماء يجزل ثوابي
ويغفر ذنوبي ليا مني عصيته

..
..

رآقـت لـي ..