_ لو تتلف أعمارنا / من دون أمانينا
.
ما دامنا عارفينٍ / وش نوايانا ؟!
_ الله على اللي به الصالح يقدّينا
.
نمشي على كيفنا / وندل ممشانا
وإنماشي اللي على العزة / يماشينا
.
واللي بلتْه الظنون / إنه من أعدانا
_ حنا كرام الفعايل / ما تعادينا
.
أوضح من الشمس / ممشانا ومبدانا
_ تبور الأيام / ما بارت مبادينا
.
ولا نخون الوفا / لا زان مسرانا
_ حنا نموت / ووفانا عايشٍ فينا
.
فينا حياً / حافظٍ بوجيهنا مانا
_ وإنحشِّم اوجيهنا / من قبل أسامينا
.
واليا ارتكينا / عرفنا وين مركانا ؟!
_ بأهل الوفا / ١٠٠٠ بـالميّة هقاوينا