2018- 6- 15
|
أكـاديـمـي نــشـط
|
|
|
|
العيد
العيد ماهو عيدنا اللي وعينــــاه
والضحكه اللي فيه ماونستنــــــا
يابعد ماودي عن العين بعـــداااه
نرجع سنين وننطق معايدتنــــــا
اجــي محله وانتظر واتحــــــراه
لو ادري ان اقدارنا فرقتنـــــــــــا
تنفعني الوقفه على بابٍ اغــــلاه
ياحيّ بابٍ جلسته جمعتنـــــــــا
ياما تمنيت اللقى اللي تمنــــــاه
والشيب بان وماانتهت سالفتنـــا
حبٍ من ايام الطفوله عرفنــــــاه
لكن شاب الحب في مراهقتنـــــا
نـصد عن وقتٍ وعمرٍ طوينــــــاه
واذا إلتفتنا ،ليتنا ماإلتفتنـــــــــا
نشوف جرحٍ روّح الوقت بــدواه
وحنا نحسب ايامنا عالجتنـــــــا
احترت مابين اتذكره وانســــــاه
وين الصحيح اللي على مقدرتنـا
ناخذ مقولة كل واحد ودنيــــــاه؟
ولانعيش بصفحةٍ صافحتنـــــــا؟
عشنا شريط الذاكره يوم عدنــاه
ولاعندنا الا نقول بين ادعيتنـــا
الله يعوضنا بــصبرٍ صبرنــــــــاه
والله يحسن عيشنا وخاتمتنـــــا
سعد الروقي
|