اختار من زين العلوم الجزالي
وأعاف من نشر العلوم الضعيفه
وأهرج لياقالوا تعيش الرجالي
واصمت ليا شفت السوالف طريفه
خفت موازين العلوم الثقالي
وثقلت موازين العلوم الخفيفه
بصون عرضي وأتفقد أحوالي
وأهدف على علم يصيب تهديفه
وليا عرفت الي علي ومالي
وظيفةٍ ياوجهها من وظيفه
أخلص واخلص قبل يرمى خيالي
والعز أخير من الحياة الگسيفه
وأصبر بزلات الرفيق الموالي
واقنب قنيب الذيب واهرف هريفه
والطيب الي يستحي من سبالي
غلاه عندي ماينوصف وصيفه
يرخص له المطلوب لو گان غالي
ودي يجيني ضيف قدام أضيفه
وليا نويت الدرب ولا طرالي
يگره ترداد الحگي وتحريفه
أعفر ذوبي يارفيع الجلالي
واجعل سجلات الخطايا نظيفه
آمين 🤗