ياما سهرت الليل اجمع واقسم ××تلقى العدد ناقص وصفره شمالي
قمت اتقلب واكتب ابيات من دم×× دم قلب شاف عسر الليالي
ومن حر نار الشوق دمعي تحجم×× قلت ادمعي يالعين قالت محالي
وش حيلتي في قلب عاشق ومغرم××يرعى نجوم الليل وانا لحالي
قالت لايروح وقتك بين حاير ومغتم ×× تتبع هواء نفسك وتنسى الليالي
وانته وانا والقلب والكل يعلم ××ميفيد في الموضوع كثر الجدالي
ارضي بمقسومك وبالوضع سلم ×× ايامك الحلوه مضت للزوالي
يمكن زمانك يوم يعدل ويرحم ×× وتضحك لك الدنيا ويصفى الخيالي
مادام قلبك للعشق صاحي ويحلم× يكفيه في حلمه يشوف الغزالي
هذا الهواء في القلب يبني ويهدم××حاكم على العشاق في قصر عالي
خل الصبر بينك وبينه مترجم ×× لا حيين يفرجها عزيز الجلالي