السلام عليكم ورحمة الله وبركاته
الله يعطيكم العافية جميعا....
أنا طالب مستوى رابع لغة انجليزية المستوى كامل 20 ساعة ولما بغيت أسجل مقررات للفصل هذا حصلت ان الحد المسموح فيه فقط 18 ساعة وحاولت أسجل مقررات من خلال البانر في الفرصة الأخيرة الممنوحة من الجامعة ولكن ما قدرت أضيف و كان في مسج نصه ( الرجاء الرجوع لتأكد من الفترة المسموحه لتسجيل حسب التقويم الزمني) وحصلت ان الطلاب أكثرهم يسجلون عبر الخدمات الطلابية وحاولت لكن مايقبل معي وكنت اختار المقررات ولما اضغط على ارسال يعلق ولا يظهر لي اي شي، و راسلت الشؤون الأكاديمية من خلال أيقونة الاسئلة المتكررة و كان رد الشؤون الاكاديمية هو (لا يجب عليك تسجيل المقررات عن طريق الايقونه المخصصه للتسجيل) كان ردهم قبل ماتنتهي الفترة الأخيرة بيوم واحد، بعدها تفاجأت بأن مانزلت لي مقررات في البلاك بوورد. ولما رجعت راسلت الشؤون الأكاديمية قالوا لي أن التسجيل انتهى ،انت ماسجلت مواد وحاولت اوضح لهم ان الشؤون الأكاديمية قالوا لي ان لا يجب علي التسجيل من خلال الايقونة المخصصة للتسجيل رجعوا قالوا لي لا يوجد لديك مقررات لهذا الفصل. صراحة مافي اي فائدة من ايقونة المراسلة مع الجامعة احاول اني اوضح لهم شي ويجاوبني بكلمتين من دون اي فائدة.
لو في أحد قد سبق انه مر عليه نفس هالشي وقدر يوصل معهم لحل ياليت يفيدني أو يعرف الحل أكون لكم شاكر ومقدر، ما ابي ان هالسمستر يروح علي على شي أنا مو سبب فيه.
و استغرب بعد ان في تعليمات تسجيل المقررات يقولون لنا حالوا تتماشون مع الخطة الموضوعه من الجامعة عشان نتفادى اي تعارض بالمواد بالمستقبل و الحين يقولون سجلوا بحد اقصى 18 ساعة والخطة تقولك 20 ساعة شي غريب والله.