قصيـدة عـن " الشـوق " .. ( حـي إتصـالك )
السلام عليكم و رحمة الله و بركاته
أسعد الله صباحكم | مساكم
بكل ما يسر قلوبكم و أرواحكم
°°
°°
روّح علي من ليل الأشواق ثلثين
و أقبل عليّ ثلثٍ طوا ضيقتي طيّ
عقب الهموم و ظلمة الليل و البين
تنويرة الهاتف ملت ليلتي ضيّ
البارح أضوي به و أدوّر على شين
و الحين نُوره مالي البيت والحيّ
حي إتصالك يوم جاني على الحين
ألفا يقدّيني عن الطيش و الغيّ
يامرحبا يا صوت أشاهده بالعين
صوتٍ رسم طيفك بـ لوحات عينيّ
في ذمتي يا سيد كل المزايين
صوتك مثل ما أخذتني … رَدني ليّ
تنشد عن أحوالي و أنا أقول لك : زين
ماغير جرحٍ و آخر علاجه الكيّ
أتعبني إن الحب ما بيننا بين
و المجتمع باقي على وصلنا عيّ
بس التعب فدوه .. وحن أجل إثنين
تعبك يالغالي مثل شربة الميّ
يرخص لك الغالي .. و يهدا لك الزين
تامر عيوني .. هاك هذي قبل ذي
في خاطري يا مهجة القلب بيتين
دامك بتقفل قبل الآذان بشويّ
حق الأذان و حق صوت الملبين
لك في خفوقي شي .. لا ماهو بـ شي
أشياء .. لكنّي بأعلمك شيئين
شوق و محبه موتتني وأنا حيّ
°°
°°
.. للشاعر | سعيد بن مانع
راقت لي ..
أطيب تحية لكل من مر .. 
..
..
التعديل الأخير تم بواسطة ❤مملكة الوفآء❤ ; 2018- 9- 17 الساعة 05:08 PM
|