المشاركة الأصلية كتبت بواسطة des_FaHoD

هذي مشكلة الجميع انا اشوفها..
لكن حط في بالك انك لاااازم تعديها وركز على هالشي.. صح المادة ثقيله شوي ودسمه لكن لا مفر منها زي ماقلت انت

انا عن نفسي خذيتها باول سمستر عند الدكتور أحمد الفرحان .. وللامانة هالدكتور اسلوبه جدا جدا واضح في الشرح والكل كان يشكر فيه
لكن فالاختبار للاسف اتذكر انه بدع فينا شوي وبغينا نجيب العيد لولا لطف الله ثم متابعت شرحه اول باول

شوف
عندك 13 محاضرة فالغالب + 1 مراجعة
حاول تتابع كل يومين محاضرة.. يعني تشوفها مثلا اليوم كاملة وتسجل بعض الملاحظات ع الملخص
وبكرة ارجع شوف المحاضرة من جديد راح تلاقيها مفهومه اكثر من السابق + حل المسائل الموجودة بالمحاضرة مع الدكتور مرة .. ومرة ثانية ارجع حلها لوحدك وخذ وقتك

لا تهمل المحاضرة الاخيرة اللي هي المراجعة لان تقريبا الاسئلة تجي مُقاربه لها
لا تهمل المحاضرات المباشرة لان فيها مسائل الدكتور يحلها راح تكون الاسئلة بعد مقاربه لها

بشكل عام حاول تحل كثير من المسائل.. تدرب على حل المسائل اكثر من مرة
حاول وانت تحل تحس باانك مستمتع بوقتك وبطريقة التفكير في حل المسئلة

اتمنى لك التوفيق