صبآحكم \ مسآكم شعر
قصيدة لا ترقى إلا لكم ..
لـ الشآعر : محمد بن مربيد العآزمي
قصيدة لن تكتفوا بقرائتها مرة واحده .. فقط أترككم مع نزفه
يـا الله إني طالبك لا ترديلي عـزوم
......................... يـا إلهٍ تحت عرشك سجدنا لصـلاة
جعلني ما أطيح يارب بيدين الرخـوم
......................... وطيحتي طيحة جبل ماهيب طيحة حصاة
مقـدمٍ قـدام ربعـي ليـا حـل اللزوم
......................... وشاعرٍ ربعه اليـا أخطى ما تغفرله خطاه
ماعشقت إلا الذي ما على حلياه سـوم
........................ الخطر من دون وصله وضرفه من وراه
غاب وغيابه برى الحال وأصبحت محروم
......................... ويش أسوي في غيابه وهـو عذره معاه
أتضايق كـل ما مـر فـي بالي وأقوم
......................... ضيقةٍ مـن حـر فرقـاه واقفاية اخطاه
لي سنـة يا سالم الملعبي مـا مر يوم
......................... ما ذكرته وأبتدا حـزن والخافق دعـاه
ليت ماله في سمـاء القلـب يا سالم نجوم
......................... كـان قلبـي للجماهير مـا بيـح خفـاه
أحسب أن العشق فترة فـراغ ولا يـدوم
........................ مـا دريـت أنـه يغيـر مفاهيم الحيـاة
ساقني للمـوت سـوق الهبايب للغيـوم
......................... لين خـلا الناس تنشـد محمـد وش بلاه
......................... لين خـلا الناس تنشـد محمـد وش بلاه
......................... لين خـلا الناس تنشـد محمـد وش بلاه
مذنبٍ فـي حق نفسي ولا إني بمعصوم
......................... منتظر والهجـر عيـا ينسينـي غـلاه
كل ما قالوا لي أنـه نسـى قلت محشوم
......................... ذاك والله لو نسى أسمه غرامي ما نساه
يتوارى عـن عيون البشـر لأنـه كتوم
......................... والا انا لولا الحيـاء كان جيتـه في حماه
ادري انـه يسمع الشعـر وتجيـه العلوم
......................... ويدري انـه من نصيبه قـراه أو ما قراه
يا حبيبي مـا بقى ألا تضيق ابـي الهدوم
......................... وانت عـارف من حبيبك وعارف مستواه
لا تغربلنـي وانـا مـن وسيعين الكمـوم
......................... ولا تخـلي وقتي الشيـن يرفع لي عصاه
كـان عينك ترقـد الليـل عيني ما تنـوم
........................ ليـن يذن مـذن الفجـر وتقـام الصلاة
كـل يـوم أقول ترجع وتغريك الرسـوم
....................... وانـت مدري عند ظـني معـك وإلا وراه
شعر: محمد مريبد