2018- 10- 9
|
|
مُتميزة بقسم الخيمة الرمضانية
|
|
|
|
..°° صـدر الشمـالي °°..
.. السـلام عليكـم ورحمـة الله وبركاتـه ..
صبـاح | مسـاء .. الخيـر
•••
وش فيك ؟! يا صدر الشمالي تضايقت
و الناس تضرب في سعتك المثايل ..
أفا يا صدري ضقت من جاير الوقت
خابرك يا صدري تشيل .. الثقايل ..
وش فيك ؟! علمني لك أيام مارقت
ضايق و فيك الهم صايل و جايل ..
خابرك ما عمرك للأحزان رافقت
و اليوم كنك شايل جبال .. حايل ..
أنا أدري إنك من طُعون الزمن ذقت
لكن تحمل لو بدا الوقت مايل ..
ياما لصدمات المقادير عانقت
و أضحك و أجامل و أعتلي كل طايل ..
لا ضقت من جور الزمن للقدم سقت
و سجيت عن كثر العنا و الهوايل ..
و اليوم غربت أتسلى و شرقت
ولا لقيت لضيق صدري وسايل ..
خلاص من صدمة رفيق الرخا فقت
اللي هقيت إنه يرد الجمايل ..
رميت صوبه هقوتي ما تحققت
لاشك خابت و العوض بالبدايل ..
صد و جحد و أنا لطيبه تشفقت
ياليت في وجه المنافق دلايل ..
أخذت من درس التجارب و صدقت
إن الرفاقه بالشدايد قلايل ..
اللي عليهم هقوة الطيب علقت
لقيتهم بالضيق مامن صمايل ..
...
الشـاعر : مرضي مجول الرمالي ..
•••
تَحيـة طيبـة لِكُـل مَـن مَـر ..
صح الله لسانك يا مرضي ..
قصيدة جميلة ، و كل بيت له حكاية ..
حالياً تُمثلني هذي الأبيات كثير
..
|