|
رد: ♥ تتشآبه أنتَ و قهـوتيِ كثيراً .. في اللذة وَ المرارة وَ الإدمَان ♥
أثناء زيارتي وبين لمة حبايب تطول السوالف والنقاشات
ووصلت للداومات وآخر الأحداث ..
أحد المتواجدات مديرة مدرسة من سنيين وتم اختيارها
لحضور دورة في دبي وفي الرياض تحت نفس الموضوع
شخصيتها عسل وعفويه وحبوبه 
بالبداية هي تسولف " لما سافرت دبي وحضرت الدوره هناك
كنت لابسه على طريقة لبسهم ولكن أفكر بدورة الرياض ألبس عباية راس وقفازات
اللبس التقليدي والزي الرسمي اتوقع بيعجبهم شكلي يحسون فيني وقار وبيختاروني
افضل مديرة مدرسه وش رأيكم أنتم " ؟
ردت وحده لا تكفيين يحسبونك الحين إرهابية متطرفه ولا تاخد مدرستنا ولا نقطه
حسيتها صادقه وتسأل من قلب قالت لا جد اتكلم معكم هما كذا يشوفون الوحده
ملتزمه يحترمونها بزيادة
بصراحه ماحبيت اتكلم على طول تركت مجال لان الأغلب أكبر سناً
ومدرسات ومساعدات حبيت اسمع لهم تركو الموضوع الأساسي ومسكو نقطة العباية
سألتها بالبداية عن عنوان موضوع الدورة ؟
قالت : طريقة التعامل مع أولياء الامور
طيب اذا حابه يختارونك صدقيني المحتوى أهم من الشكل
أطرحي أفكار مميزة وأثبتي حضورك وإسم مدرستك بين المدراس
وعطيتها فكره 
ممكن تكتبين كُتيب صغير أو مطويه المهم شيء يتوزع بين الحضور
يلفت الانتباه انك مهتمه بالموضوع وجدّيه وملتزمه والأهم يختم فيه إسمك
الأفكار المميزة والغير تقليدية تجذب الإنتباه
لا تحضرين وتنتظرين يوزعون عليك ملصقاتهم وأوراقهم
أطرحي موضوعك بطريقة مختصره وجذابة
عجبتها الفكرة وقالت إن شاءالله بعتمدها.gif "(204)")
" الإنسان المُميز يثبت وجوده وإختلافه بكل مجالات الحياة "
|