ملتقى طلاب وطالبات جامعة الملك فيصل,جامعة الدمام - عرض مشاركة واحدة - اسئلة اختبارات اسئلة ادارة المعرفة 1440 هـ

صالح أبو عايض · 2018- 12- 12

اقتباس:

المشاركة الأصلية كتبت بواسطة فياصل

المثاليه الزايده مشكله ..

اولا انت تقول كلام وتناقظه في السطر اللي بعده ..
كيف تقول ان الدكتور جايب 20 سؤال من اسئلة الاعوام السابقه وترجع تقول انه غير في بعض الكلمات ؟؟!!
اذا غير في بعض الكلمات هذا يعني انه ماجاب شي من الاختبارات السابقه .. لأن الكل يعرف ان اذافة لا او ليس او فقط او غيرها من الكلمات كفيله بأن تغير الجواب بشكل كامل وهذي الحركه طبيعي يسويها في عدد من الاسئله لكن الاخ مسويها ب80% من الاسئله اذا ماكان اكثر

اما الاسئله اللي تقول سهله وتنحل بدون مذاكره هذي كلنا حليناها وماتتعدى ال 7 اسئله بالكثير .. واعتراض الجميع كان على الباقي .. محد اعترض على ذي

بعدين انا لي 3 سنوات بالجامعه وكل المواد اللي درستها يجيبون من اسئلة الاعوام الماضيه .. وتجي بكل بساطه تقول ان تغيير الاسئله عن الاعوام السابقه عادي ويصير بكل المواد ؟؟!! بنقاله حنا ؟؟

لا وتقول الاسئله فيها اسئله معقده لكن مو كل الاختبار معقد |!!
لا والله .. مفروض نكرمه دام انه ما خلى الاختبار كله معقد !
صراحه اسفين لاننا انتقدناه او دعينا عليه .. الادمي ما خلى الاسئله كلها معقده يا حراااام

الزبده الله يوفق الجميع بعيدا عن المطبلين والمثاليين مثاليه زائفه و السلام

الحين وش مزعلك انت !! عشان قلت رأئي والله مشكله البعض الله يهديه ( تعتبر هذا مثالية ليه عشانك انسان تحفظ التبوبيات وتجي تبي تحل وتلقى نفس الخيارات وتفكر غيرك مثلك )

وانا قلت جاب بعضها نفسها والبعض غير فيها يعني اذا كلمة لا اضافه صارت مو نفس السؤال والله مشكله الخلاصه نفس الموضوع

مثلا من خصائص كذا ليس من خصائص والا انت تبي تحفظ الاجابه وتبي تلقاها قدامك !! وانا قلت كرر كثير واضاف بعض الكلمات الزائدة في المعنى

واذا عندك انها ٨ اسئله ترا عندك غير ٢٠ ولا ٣٠ مثلا -- واما بكل بساطه اقول تغيير الاسئله نعم وانا اتحداك ياخي من الترم الماضي وكم دكتور ذكرها ان الجامعه مأكده عليهم عدم تكرار الاسئله او اي نموذج ويكون مطابق لأي نموذج ماضي اذا انت ماتتابع المحاضرات المباشره او ماتدخل تقرأ اي موضوع هنا بالمنتدى او اي شي فهذه مشكلتك

واكيد اي دكتور بيجيب لك كم سؤال صعب ويعتبر فيه انه يميز فيه بين الطلبه وانا قلت الباقي متفاوت بين متوسط وووو اقرأ زين الله يهديك

واذا اسلوبك استهزاء تبي نمشي معك اوك انا مستعد احط لك الحين ٢٠ الا ٢٥ سؤال سهله لأي شخص ذاكر مذاكره عاديه جدآ سوا من المنهج او النماذج وانا قلت ماتوقعت كذا الاسئله من الدكتور

واذا انت تقرأ كذا في مذاكرتك اجل الله يعينك انا قلت ماكان كل الاختبار صعب مثل البعض يقول ان الاختبار صعب كله وهذا بالنسبه لي وش مشكلتك !

وكان تقدر ترد بدون كلمات المثاليه الزايده وحنا بنقاله وغيره ارتقي شوي الله يعطيك العافيه قل رأيك وخلاص الا لازم تصير هجومي وتكتب كذا كلمات