ملتقى طلاب وطالبات جامعة الملك فيصل,جامعة الدمام - عرض مشاركة واحدة - اسئلة اختبارات رساله تضلم لمدير الجامعة على جميع الاختبارات اللي مضت

شامخ العذبة · 2018- 12- 14

اقتباس:

المشاركة الأصلية كتبت بواسطة سعد الخثعمي

هل هذه الملاحظات مقصوده؟
ترى مكشوفه يا دكاترة الجامعة ملاحظ على جميع المستويات انهم متعمدين يلخبطون اسئلة الاختبارات ويصعبونها لماذا ؟
لان هذه سياسة الدكاتره الاجانب وخاصه بعد ما زودوا عليهم الرسوم من كل النواحي طيب وش ذنبنا حنا هذه ناحيه
اما الناحية الثانية من جهت الجامعة بدت تشدد على الجامعات بالمتابعة بعدم التساهل مع الطلبه المختبرين لديها ومن ضمن التشديد عدم وضع نماذج الاجابات لكي نعبيها حتى يتم تسليم اوراق الاسئله يعني يتم تسليمها في وقت بدأ الاختبار وتاخذ تعبئتها ربع ساعه قبل البدء بقراءة ورقة الاسئله
ما ادري هل لانهم منعوا الانتساب في الجامعات وناوين يمرمطونا بالخبطه هذه على شان نحمل مواد وندفع فلوس على المقررات لسنوات قادمه؟.
ياليت الجميع يشارك ويطرح ما عنده من تظلم لكي تنكشف لباقي الطلبه وخاصه انه باقي مقرارات في الايام الجايه راح نختبرها وراح تكون بنفس الاشكالات اللي مضت
و حسبنا الله ونعم الوكيل

السلام عليكم ورحمة الله وبركاتة ....وبعد انا اختباري كان في محافظة ابقيق السنوات الماضية وتوقفت عن الدراسة من 2015 لظروف عمل وضغوطات وجاتني رسالة اني ارجع او يتم طي قيدي قبل بداية الترم هذا 2018 وفعلا رجعت وليتني ما رجعت صارت اختباراتي في جامعة الملك فيصل بالأحساء والوضع هناك يرثى له ، قدر الله اني أتأخر على اختبار الاداره العامة تقريبا في بحر العشرين دقيقة ورفضوا يدخلوني الاختبار بحجة ان ممنوع اي احد يدخل الاختبار بعد مرور عشر دقايق من بداية الاختبار وقالوا انزل للاستقبال اذا عطوك إذن وندخلك وانزل لتحت ولا حصلت احد وارجع لهم قالوا رح للكنترول ورفض الكنترول يفيدني بشي المهم مالكم بالطويلة تم حرماني الاختبار يعني حسبي الله ونعم الوكيل الوقت ساعتين وعشان عشرين دقيقة تاخير اخسر اختبار ماده من ثلاث ساعات وآخر سنه لي ومحتاج للدرجة لان معدلي نازل وابي ارفعه واللي يجلط ويذبح اني بعد يومين جيت لاختبار بحوث الاعمال وانا داخل القاعه والله مالي نفس حتى اقرأ الاختبار او حتى اكمل معلوماتي افكر كيف انسحب من الاختبارات بدون ان المعدل ينزل او أعيد المواد شوي يا حبيبي بغد نصف ساعه اشوف طلاب متأخرين ويدخلونهم انجلطت وعصبت واشر للمراقب واطلب الدكتور بس ما جاني اللي جاني مراقب اللجنة او مدير اللجنة المراقبة وتكلمت معه عن موضوعي قال انا بنفسي انزل معك بعد الاختبار واشوف المشكلة وين المراد نزلت وقابلت نائب المدير وكان دكتور محترم جدا وكلامة عسل بس والله ما استفدت شي غير ان الرجال كلامة طيب ومحترم بس انا يا حبيبي اللي كليتها ...ومن جهة ثانيه أسئلة الاختبارات صايره تمرض وتجيب الهم والدكاترة صايرين كانهم يستقصدون ان الأغلب يعيدون الماده بالذات الاداره الاستراتيجية عيسى حيرش حسبي الله ونعم الوكيل اخطاء بالجملة في الأسئلة وفِي الأجوبة وتقارب بين الأجوبة كانه يقول انسى تأخذ من وراي درجات بالساهل... تبون الكلام لو بعبر عن اللي بخاطري الى بكره وانا اكتب وعسى الله يوقفني وياكم لما يحب ويرضى ويجعل كلامنا هذا يوصل للمسؤولين ويشوفون لنا حل فيه .