بقولكم قصة طريفة عن الطلاق في زمن الجاهلية صارت في عهد ابوي الله يحفظة لما كان صغير
قال كان فيه وحده دايم تسرح بغنمها للبر ترعاها ولما يجي اخر اليوم ترجع لبيتها واحيانا تضيع منها راس او راسين من الغنم
ابن عم زوجها لقاها بالطريق وانقهر على ولد عمه ان زوجته هذي مضيعة ماله وحلاله فلما مرت من جنبه قال لها انتي طالق من راس اخوي ابن عمي هههههههه
المهم الحرمة ذي زعلت وشالت عفشها وراحت لأهلها في ديرة ثانية ولما شافوها قالوا لها خير وش فيه قالت طلقني فلان من زوجي وقالوا قلبت ليلها نياح وصياح
واهلها مصدقين انها مطلقة وخلاص والرجال (زوجها) انخذل عباله ماتحل له , قام واحد من جماعة الرجال عاده بعقله وتحاكموا عند شيخ وعلموا له السالفه
قال جيبوا فلان وفلان وفلانه ....
شعلمك يافلانه ..؟ قالت طلقني فلان
وانت يافلان ( ولد عم زوجها ) : شعندك تطلقها .؟
قال اهلكت ولد عمي كلت ماله ورزقه قلت اطلقها واريحه منها
ههههههههههههههههههههههههههههههههههههه
جهل قسم بالله , المهم فهمهم الشيخ ان طلاقه مايحل وان عادها على ذمته وانه مايجوز يطلق كل من طرت في باله وانتي ي فلانه قري في بيتك
وكان الشيخ يحدث بقصتهم في كل مجلس من عجب جهلهم
والله ضحكني ولد عمه ذا ههههههههههه
والله اني صادق الوالد حكاها لنا من زمان وتذكرتها مع الدرس
