من يحط إيديه في برد الكتاف !! ** لاينادي .. للمخاليق .. إفزعي !!
( المعرّي ) لو حكى نفس الكلام ** قلت : صادق !! يملك إحساس ووعي !!
لاتذكــّــرني بدورات الزمان !! ** لا تحرّضني على .. عض إصبعي !!
من عجز يشرب من الميّ القراح ** لايحمــّــلني خطاه المطبعي !!
إن تعذّر درب .. ياكثر الدروب !! ** كل ماحاولت .. ماخاب السعي !!
من هنا .. وهناك .. من كل الجهات ** مايحدّد غير ربــّــي موضعي !!
من عرف معنى وجوده مايضيع !! ** ومن يهاب الشمس ماقال : إطلعي !!
ومن يحط إيديه في برد الكتاف ** لاينادي .. : يامخاليق .. إفزعي !!!