ملتقى طلاب وطالبات جامعة الملك فيصل,جامعة الدمام - عرض مشاركة واحدة

-(ملاك) · 2019- 2- 16

اقتباس:

المشاركة الأصلية كتبت بواسطة مطنوخ مرجلة

مما راق لي ٧

سولفوا تكفون لا عاد تسكتون ..

. . قبل لا أهوجس وياتيني بلاي

السكات يزود طعوني طعون ..

.. وتنكسر لا جا على راسي عصاي*

سولفوا لو ما بغيتوا اتسولفون ..

.. قبل لا اقعد في الحزن رايح .. وجاي

واضحكوا لو بالعماله تضحكون ..

.. وجاملوني لو يضايقكم حكاي*

لي وليفٍ راح جعله ما يهون ..

.. هو دواي وداي .. أو داي ودواي

راح لكن طيف زوله في العيون ..

. . مرةٍ قدامي ومرة وراي

وإن سكتوا جا وهو طيفه يمون ..

. . رحت أهوجس له وأبين له ولاي

مكسب عيوني من الفرقا مزووون ..

. . تمطر لطاريه .. والبرق ؟ أصدقاي

كل ما طروه لو هم يمزحون ..

.. احرموني من غداي ومن عشاي

أدري إنه ما تناسى الود كون ..

.. تسمع إذنه في قفاي اللسن عداي

وكانهم قالوا نسيته يكذبون ..

. . وإلا أنا فيه أمتلك نظرة وراي

كان حبه لي على خبري مصون ..

. . والله ان كني بقدري .. وبغلاي

ذي بقايا الحب وأطلال الجنون ..

. . والله أعلم في ضميره وش بقاي

غير طيعوني ولا عاد تسكتون ..

. . ولا والله إن أسمعكم بكاااي*

لبن افطيس

اختيارك ذوق و جدا روعه☹️وكلمات تهز المشاعر بصدق تذكرني بالشخص الحزين اللي يطلب من اللي حوله اسعاف و سوالف ترد الروح عشان ينسى اللي هو فيه عموما دايم الشعر و الكتابه متنفس جميل عن النفس[emoji122][emoji257][emoji257]

Sent from my iPhone using ملتقى فيصل