انا صار لي تقريبًا ٣سنوات
احاسب نفسي هل فيه احد ظلمته
كل فترة احاسب نفسي هل في احد ظلمته
وانا ناسيه
اخاف اني اظلم احد ويدعي علي
وادعي يارب لاتجعلني اظلم احد
من جهة ثانية شفت ناس في الحياة انظلموا كثير
ولما ربي غير حالهم صاروا يظلمون غيرهم !!؟؟؟
كنا دايمًا نسمع ان الي انظلم مستحيل يظلم
والي جرب الشعور بالظلم مستحيل يظلم
للأسف الواقع مختلف
ان الي كان مظلوم امس اليوم هو ظالم
ابي اعرف ليه تنعكس الأدوار
هل الظلم سبب لهم عقد
وبسبب هذي العقد صارت عندهم حالة نفسيه
وابتدوا يظلموا غيرهم ؟؟؟!!!!
الله لايجعلنا نظلم احد ولايبدل ربي حالنا الا لحال احسن
ولايجعلنا مع القوم الظالمين ولانعاون احد يارب في الظلم
موقف صار معي لوحده تشتكي لي
فيه وحدة تشتكي لي من ظلم اهلها لهم كلهم
وكانت معنفه
بعدها الله فرج عنها وتزوجت
وابتدت تطلع عقدها في زوجها
وقالت لي انا ظلمته وتعاونت مع اهلي ضده !!؟؟؟
انا مااستوعبت !!!
كيف كانت مظلومة ومعنفه
ثم بعد كذا تظلم احد
وهي ضاقت شعور الظلم
حاليًا بعد طلاقها منه
تحسفت وعضت اصابعها العشرة ندم
وتتمنى لو طليقها يرجعها
وترتاح من تعنيف اهلها لها !؟!!
لاتظلم فتظلم
انا قلت لها
لطليقك حقوق عليك
انتي ظلمتيه بااعتراف منك انك كنتي مع امك كل يوم تطلعون له بمشاكل وتحطون عيوب مو فيه
قالت لي : انها ارسلت له رساله تستسمح منه وهو مارد
طبيعي مارح يرد من الي شافه ماقدر يسامحها
ماحبيت اتناقش معها في الظلم الي هي ذوقته طليقها
لانها معترفه بظلمها وتتمنى يسامحها ومابيدها شيء تسويه علشان يسامحها
تظل هي غريبة عنه
لكن الرجال لازالت له حقوق عليها
الله يعينها
حاليًا اهلها رجعوا نفس وضعهم قبل يعنفونها ويضربونها
مشكلتها لما طلعت من ظلم اهلها لبيت زوجها
كفرت النعمة وفوقها ظلمت الرجال
لما تشتكي لي مااحب اقولها بسبب ظلمك لطليقك واتهماتك له وتعاونك مع امك وابوك
لان حالها صعب وصعب ازيد همها همين
الله يعين
بصراحة انا لما قالت لي قصتها انصدمت
اول مرة اشوف بنت تعترف انها ظلمت زوجها
العادة الرجال يظلم
والله الدنيا تخوف
الله لايجعلنا نظلم احد ابدًا