بالنسبه لنطباعي عن مادة الصوتيات والنظام الصوتي - المادة من درجة السهل الى الوسط وليست صعبه والملزمة ممتازه بحطها لكم للفائدة لا يغرك عددها حوالي ١١١ صفحة اغلبها شرح بالصور عشان للفهم
لكن اعطيها حقها من القراءة والفهم وقليل من الحفظ عشان بعض التعاريف مو قبل الاختبار بسبوع او اقل وتبي تنجح يعني خذ لك فتره قبلها وايضا يكون عندك مواد آخرى . وفيه بعض المحاضرات لازم تتابعها عشان تعرف كيفية النطق الصحيح
المادة حلوه وسلسه وممتعه لكن الله يهدي اللي خوفنا منها .
بالنسبة للإختبار الاسئلة كانت واضحه ومفهومه و أغلب الاجابات تقدر تميز الاجابه بسرعة والبعض وهي قليلة فيها تشابه كبير بين الاجابات واما المكرر فيه مكرر لكن مو كثير الدكتور ركز في هذا الاختبارعلى الادغامات وكيفية النطق
ولابد من اطلاعك على أسئلة الاعوام السابقة عشان تعرف كيفية طريقته الان الدكتور درس اربع اترام وايضا المحاضرات المباشرة مرفق ملف الفصل الثاني لعام ١٤٤٠هـ تابعها لان يضع فيها اسئلة يمكن تكون مهمة ويمكن تكون غير مهمة يعني مثلا الترم هذا يوم اتابعة في المباشرات لاحظة انه يسوي نسخ ولاصق للاسئلة واحيانا يكتبها بيده فانت تشوف على ايش يركز وقارن بين الاسئلة . وفالكم التوفيق والنجاح والاصرار على محبة الخير