السلام عليكم ورحمة الله وبركاته
المقررات بانطباع عام سهلة الى متوسطة
نبدأ بالرواية الحديثة: لتشابهها مع ظهور الرواية ف مستوى خامس
بالنسبة لي اسهل من ظهور الرواية.. فقط اول محاضرتين اللي تحتاج لها تركيز وباقي المحاضرات تتكلم عن روايتين روبنسون كروزو ورواية قلب الظلام + كالعادة أسئلة الدكتور ف المباشرات الاربعة لازم تركزون فيها ولا تهملونها أبد نصف اسئلة الاختبار منها
الشعر : مقرر سهل الى متوسط تقريبا 8 أشعار.. المهم هو فيها فهم الشعر عن ايش يتكلم + وبعد المقرر يتكلم عن 3 حركات مدرسية ( الرومانسية والعصر الڤيكتوري والعصر الحديث ) يجب حفظ النقاط الرئيسية لكل عصر ( وهي سهلة ) واخيرا عن عن اسماء الحركات والشخصيات اللي مذكورين ف اول محاضرتين ومؤلفاتهم
الصعوبة فقط ان الدكتور ف بعض الاسئلة وحتى الاجوبة يعطيك مرادف للكلامات اذا عندك لغة حتى لو بسيطة بتمشي امورك لانه السؤال بتفهمه من خلال السياق واما الجواب فكانت الاجابات معظمها متباعدة - بتعرف قصدي بخصوص ترادف الكلمات لان الدكتور نفسه هو اللي درسكم ادب القرن 17 -
ترجمة الانماط النصية: اول 5 محاضرات هي اللي لُب المقرر ركّز فيها وتضبط امورك .. عني أشوفها أسهل مقرر مر علي ف سادس
علم المعاني والبرغماتيك: ذاكرت منها اول محاضرتين من المحتوى ورحت لتبويب الاسئلة وما عرفت اجاوب تمام.. فغيّرت طريقة مذاكرتي باختصار المقرر يبيله فهم اكثر من حفظ اذا بتذاكره ع انك تحفظ بتجيب العيد ذاكره كفهم وبيسلك بسهولة.. وعشان تعرف تذاكره كفهم طالع لاسئلة الدكتور بعد كل محاضرة وبتفهم اسلوبه وبتفهم كيف تذاكر + الدكتور ما يتقيّد باللي موجود نصا كمثال (التعاريف) يشير لها ويكتبها كفهم لكن لغته اللي يكتبها سهلة
ارجع واقول المقرر كفهم هو أولا وآخراً
النحو والصرف : اجّلته لكن الانطباع العام للدفعة انه كان صعب + هناك سؤالين ف الاختبار كان صعب ويحتمل إجابتين صحيحة واللي اخذ المقرر ان شاء الله يكتب هنا ويوضح
اللغويات التطبيقية / مقرر 3 ساعات بصراحة تساهلته ف البداية لانه تقريبا 35 صفحة لكن لما بديت اذاكر تلخبطت والصعوبة كانت بكثرة التعريفات والدش والبربرة الكثيرة اللي فيه وغير كذا مو مترابط ( بالنسبة لي طبعا ويمكن عند غير سهل ) .. الاهم من كذا الدكتور كرر واجد من اسئلة الاعوام لكن بتغيير اماكن الكلمات .. الخلاصة حاول تجتهد فيه من بدري وتحفظ اسئلة الاعوام كاملة بكل كلماتها لان الفراغ ما تدري وين بيكون
تاريخ الخليج العربي / أجّلته
نظرية المعرفة / غالباً ف كل ترم فيه مقرر نكبة وهذا نكبة الترم .. ما ابي اخوّف احد لكن فعليا أصعب مقرر أختبرته من دخولي للجامعة .. عموما الشي الكويس لكم الدكتور له ترمين وله 25 سؤال ف الترم الاول والآن 50 سؤال ف بيخليك تعرف كيف أسلوبه وطريقة مذاكرتك تكون .. بالرغم ان عندي تحفظ ع الـ 50 سؤال اللي اختبرناه ان بعض الاسئلة والاجوبة ما كانت بنفس الصياغة أبد
الموضوع مفتوح للجميع اللي عنده رأي يبي يضيفه أو حتى يخالف ..
فالنا وفال الجميع التوفيق والنجاح .