على طاري التفتيش اذكر اول مره طلعت اسوق بعد القرار
ولاعادها الله كنت طالعه الهافمون وطبعا قريب من جامعه الامير محمد المنطقة طلام
اول ماطلعت من عند الكبري الا فيه تفتيش بوجهي من الخرشه ماعرفت وش اسوي
وقفت بس مو جنب العسكري قبله بشوي ���� طلب اثباتي ورخصتي قلت له ماعندي رخصه
قال كيف تسوقين بدون رخصه قلت والله مدرستكم فل ومسجله فيها من زمان للحين ماطلع اسمي
اجلس انتظر الى متى يعني اهم شي ان عيني قويه اتفلسف بعد قال مابعطيك مخالفه بمشيك هذي المره
قلت ايه الله يجزاك خير قال بس ارجعي الحين لانه لو طلعتي قدام زيتده فيه نفتيش
قلت ايه ابشر طبعا مشيت من عنده ورجعت بيتنا دمي ناشف وامي تضحك تقول تستاهلين
من طلعت الرخصه ماصادفت ولاتفتيش بس يوم مامعي رخصه اكلت حلاوه