المشاركة الأصلية كتبت بواسطة lba glbak

هلا والله

الدوره هذي اخذتها قبل ثلاث او اربع سنوات تقريبا وكان مدتها ساعه وحده وعليها شهاده معتمده مع مجموعه كثيره من الدورات ( وكان اسم الدوره كتابة السيره الذاتيه) وللامانه مااذكر بالتحديد اللي قاله لنا لكن الي اذكره ان الدكتور فتح لنا البروجكتر وعرض لنا سيرته الذاتية وكان منصبه في الجامعه استاذ مشارك ومعه الدكتوراه ومعه خبرات تحسسك يارجل انك نقطه بهالدنيا ههههههه ويوم شفنا سيرته الذاتيه انهبلنا كلنا من قوتها ومحتواها وعن انجازاته واشوفه يكرر في سيرته الذاتية كلمة انه( يتحمل اعلى درجات الضغط العالي ) ماشاءالله تبارك الله عليه، ثم قال لنا لاتذكرون معدلاتكم التراكميه ابدا ابدا في السيره الذاتيه او في ارسال مؤهلاتك لشخص حاب يتوسط لك او في تقديمك على مسابقه وضيفيه، ثم ذكر لنا اسباب من ضمنها والي اذكره انه تخلي حظوظك اكثر في المسابقات الوظيفيه وتخلي صاحب العمل يقبل فيك علشان تخصصك وكونك جامعي، وهذي تعطي حظوظ اكثر للي معدلاتهم ضعيفه، وفيه اسباب كثيره غير هذي لكن ولله اني مااذكرها كلها لانها من قبل اربع سنوات او اكثر، لكن ثق ثقه تاااامه ان هذي النصيحه مؤثره ولها اهميتها وماقالها لنا من فراغ

وبالتوفيق ان شاءالله