في خاطري كلام
ممكن كتبت مثله من قبل بس صراحتن صار الشي يضايقني و بقوه
انا انسانة صريحة ما اعرف اجامل ما اسأل عن شي ما يخصني
الصراحة و المجامله هذول الحاجتين مسيطرة عليهم
بس لما يجيك سؤال من شخص ما يقرب لك يقرب لأحد من طرفك او من معارفك عن شي معين ماله شغل فيه
هنا انا مادري شقول لما اتكلم مع امي اقول لها انا تعلمت اشياء واجد من الحياة
و الشي الاكثر تعلمته إني مالي شغل بحياة غيري سواء من قريب او من بعيد ما اسأل فلان وين بتروح مثلاً ما اسأل فلانه حامل ولد او بنت ما اسأل وحرد تقول بتسافر وين بتسافري ان قالتها من نفسها قالتها ما قالتها شي ما يخصني
و انا ما اطيح الا ف الناس إلي تسأل عن كل شي
و مو شرط تسألني تسأل حتى عماتي
طيعاً وحدة من قرايبنا تسأل وحدة من عماتي فلانة شفيها عمتي خارت الاكو و الماكو
انا هنا مو بس عصبت و احترقت اعصابي كانن بودي اسوي جريمة
شي خاص فيني قاعدة اتعب فيه مراجعات المستشفى و مواعيد و عفسة
لما سألت و عرفت بتساعدني في شي بتاخذ شي من إلي عندي
ليش السؤال من الاساس فيه البعض يقول اي عادي تسأل انا ما عندي مشكلة تسأل بس تسأل لو كانت تبي تسأل عن صحتي مو تسأل وش فيها وش مافيها ماحد له شغل
تهاوشت مع عمتي حزتها من جد الشي قهرني و عل جبدي وما همني قدام من تهاوشت و تفشلت او ما تفشلت كلش ما يهمني الا خصوصياتي
يعني انا ما فيني طبع السؤال وما اطيح الا في ناس تسأل من وراي و عن اشياء مالها شغل فيها
مجرد فضفضة