|
رد: الوضع الاكاديمي لايسمح بالتسجيل
اقتباس:
المشاركة الأصلية كتبت بواسطة احمد العضيله15
الفزعه قبل يقفل تسجيل المقررات
|
الحين فهمت وضعك يالغالي
انت عليك انذار وماتقدر تسجل موادك حتى لو كانت حالتك فعال
لازم يرفعون عنك الحظر علشان تقدر تسجل موادك وبدون هالشي ماراح تقدر تسجل اي مادة
ضرووووري تتواصل معهم عن طريق الأسئلة المتكررة من الخدمات الطلابية وتختار قسم الشؤون الاكاديمية وتكتب لهم انك تتعهد بانك تشد حيلك اذا عطوك فرصه و انك راح ترفع معدلك فوق 2
هم لازم يشوفونك حريص وناخوك علشان يرفعون عنك الحظر
أما اذا كان نظامك انك تجي و تطلب منهم فرصه على آخر وقت التسجيل وانت كان عليك انذارات سابقه وعطوك فرصه ف ماراح تشوف منهم اي اهتمام فيك ويمكن مايعطونك فرصه لهذا الفصل خوفا انك تجيب العيد في موادك المتبقية
لازم تعرف ان الفرصه هذي شي مو بسيط وانك على منجرف خطير ويمكن تخسر كل تعبك لاسمح الله
اسف اذا ضايقتك بكلامي لكن ولله هذا هو الواقع في كل الجامعات لكن ثق ثقه تامه انهم حريصين انك تتخرج لكن يبون يحسسونك بقيمة هذي الفرصه علشان تشد حيلك وتنجح باذن الله
ضرروري تتواصل معهم على الاسئلة المتكرره و على جميع وسائل التواصل علشان يشوفون اهتمامك ثم يعطونك فرصه ويشيلون عنك الحظر
واسأل الله العظيم ان يفرجها لك من اوسع ابوابه
|