2019- 9- 10
|
#3
|
متميز بقسم التعليم عن بعد العام - جامعة الملك فيصل
|
رد: استفسار مهم ارجو المساعده
اقتباس:
المشاركة الأصلية كتبت بواسطة عزوف28
اسعد الله صباحكم بكل خير
عندي استفسار بسيط واتمنى الإفادة ..
راح علي طلب اعتذار عن الفصل الحالي لظروف ما اقدر اكمل وباقي مادفعت هل يحسب لي السمستر هذا اذا حذو المواد ومادفعت والحاله فعال
يعني هل يعتبر راسب والا منسحب والا كيف؟
|
وصباحك/ مسائك بالنور والسرور
التأجيل فعلا انتهى وقته لكن طلب الاعتذار عن الفصل لازال متاح وينتهي بعد شهر بالضبط بس لازم تسددين الرسوم بالكامل علشان تقدرين تسوين طلب اعتذار من الخدمات الطلابية، وضروري تتابعين التقويم الزمني وتستغلين فترة استرجاع الرسوم بالكامل وهذا رابط التقويم الزمني
https://www.kfu.edu.sa/ar/Deans/E-Le..._Calender.aspx
الطريقة السليمه انك تسددين الرسوم بالكامل ثم اذا وصل سدادك ترفعين طلب اعتذار من الخدمات الطلابية عن هذا الفصل ويكون في فترة السماح باسترجاع 100% من الرسوم، واذا قبلوا طلب اعتذارك راح يحذفون المواد الي سجلتيها ويرجعون لك الرسوم في رصيد رقمك الجامعي وليس على حسابك البنكي وراح تبقى لك وكانك دافعه مقدم وماتقدرين تسترجعينها لحسابك البنكي، واذا نزلتي مواد الفصل القادم يكون مايحتاج انك تدفعين الرسوم لانها صارت لك مثل الرصيد بس بشرط تقدمين الاعتذار في فترة استرجاع الرسوم بنسبة 100%،ثم مع بداية الفصل القادم تقدمين طلب العوده للدراسه حسب التقويم الزمني وكذا تكونين غير مخالفه لأنظمة الجامعه
أما اذا سحبتي عليهم وتركتيهم بدون سداد الرسوم وطلب اعتذار ف راح يحذفون المواد الي سجلتيها وتتغير حالتك من فعال الى منقطع لعدم التسجيل، وهذا مخالف لأنظمتهم ويمكن يصير فيها تصعيد وعقوبات لاسمح الله، ويكون لازم الفصل القادم تطلبين طلب عوده للدراسه وانتي تعتبرين مخالفه للانظمة ويمكن مايقبلون طلب عودتك لكن في الغالب يقبلون الطلبات تسامحا منهم
وفالك التوفيق ان شاءالله
|
التعديل الأخير تم بواسطة LBA GLBAK ; 2019- 9- 10 الساعة 07:23 PM
|
|
|