امس كان موعد لبنتي عشان دمها الجميل 😭😭😂
طبعاً من كثر المواعيد و الابر إلي تاخذهم ما سمعت الدكتور يقول لها تحليل يعني مو إني سمعت و نسيت لا ما سمعته كلش
حسيت بوده يذبحني امس
يقولو ان الدكتور نصف العلاج
الشي الجميل في هالدكتور اخلاقه حليوه و كلامه يطمن يسهل الشي بدون ما يصعبه الحمدالله بنتي عند دكتور فيه كل هالمواصفات مطمنة عليها عنده
و مثال ثاني عكس هذا الدكتور
لما كانت بعدها منومة و ابو صفار مو راضي ينزل شفت الدكتور المناوب تكلمت معاه الا يقولي نسبته مو راضية تنزل عن ال١٥
اول شي جا في بالي و الحل لمتى يعني ازمني و تعبت نفسيتي زيادة و صورة نتيجة التحليل لدكتورتها تقرب لي و احب التعامل معاها مررررره
رسلت لها الصورة الا تقول ليي
زييييين الحمدالله وصل للخط إلي احنى نبغاه عاد اي خط انا مادري
فررررررق شاسع بين كلام الدكتورة و كلام الدكتور
الدكتور قهرني يعني الواحد يبغى الكلة الحلوة مو كذا ولله مو راضي ينزل
طلعت مني كلمة و الحل يعني النور الازرق و مشغل عليها طوال الايام و عواينها مسكرة و مغدي و ابر و تحاليل كل ٤ ساعات لمتى شوفو ليكم حل اهي عندكم دبروها
حلطمة في قلبي و كتبتها