صباح الخير..
والبرد وتفاصيل الشتاء بالدور
صباح الخير ي أنثى صعب جمالك يتكرر
أحبك..
من صباح الخير لين آخر حدود النور
وأحبك..
من بدايات الظلام لآخره.. وأكثر
يا يوجه الخير وغصن الورد لامن غرد العصفور
رغم تقصيرك إلا ان حبك بصدري معي يكبر
تخيل..
تخيل لو يجيبك هالصباح وورده المنثور
تخيل لو تجي جنبي وتجلس والسما تمطر
ويطيح العقد في حضنك كأنه لولو(ن) منثور
واجمِّعها وتشكرني.. تخيل روعة المنظر
صحيح أشتاق لك دايم وصدري ممتلي بشعور
ولكن هذي المرة أنا مشتاق لك أكثر
