تشرفون المستوى الثامن بخصوص استفسارك اذكر لك بعض النقاط ادناه
بخصوص اخلاقيات الاعمال
الدكتور مصدق الريح / الدكتور جدا متفهم واسئلته واضحه ومافيها تعقيد بالنسبه للمقرر سهل وممتع
مقرر موضوعات خاصة بالاداره
الدكتور خالد سيد / بالنسبة لأسئلته كانت صعبه وفيها لف ودوران لكن الللي مذاكر زين راح يعديها مشكلتنا كانت ان الدكتور كان جديد على المقرر وماله نماذج سابقه ممكن تعرف طريقته في الاسئله لكن يبقى انه الماده جميله لكن الدكتور صعبها
ادارة مشاريع
الدكتور عبدالله سراج / الماده جميله وعمليه والدكتور كان جدا متعاون واسئلته سهله سهله سهله جدا لذلك راح تكون ممتعه بالنسبة لك
تعاقد وتفاوض
الدكتور محمد الجيزاوي ( وانت بكرامه ) الماده سهله وواضحه وجميله لكن الدكتور حب انه ياخذ كم دعوه عليه وصعب الاسئله وكانت مختلفة عن الاعوام السابقه لان كانت تعتمد على التوهان بين الاجابات عشان كذا يبي لك تركز عليها اذا كان نفس الدكتور اللي راح يعطيكم ايها طبعا اذا ماحملنا الماده الترم هذا والله يستر
ادارة الجوده
الدكتور / جهاد عفانه / الماده ثقيله والمقرر اثقل ويعتمد على الحفظ بدرجه كبيره واسئلته تعتمد على الحفظ لانها عبارة عن نقاط وكل نقطه تتفرع منها نقاط اخرى و مراحل وكل مرحله لها نقاط مختلفه مطلوب حفظها و خطوات راح يجيب لك عليها اسئله بترتيب الخطوات يعني لازم تكون حافظ الخطوات عشان تجاوب وفيها مسائل حسابية بسيطه وسهله ، بالنسبه لأسئلته كانت اسهل من الاعوام السابقه اللي كان يحطها للي مذاكر زين
بالنسبة بقضايا معاصرة حذفتها للترم الجاي لكن حسب كلام الاخوان ان الدكتور ماقصر
عموما نصيحتي لك
ذاكر الملخص ولا تعتمد على التبوبيب لاني الترم هذا 3 مواد ذاكرت الملخص حقها وان شاء الله ضامن درجات عاليه فيها واللي ذاكرت التبويب جبنا العيد فيها فركز على الملخص بالمذاكره
والله يكتب لنا ولكم الخير والنجاح يارب العالمين