أذكر أول ما دخل النت بيتنا في بدايات الألفية كان النت بطيء جدا وكان بنظام الاتصال العادي "دايل أب" Dial Up بالمودم اللي يطلع نفس صوت الفاكس
لدرجة كنت أبي احمل فيديو الكرتون الكويتي "قطعة 13" وكان حجمها 3 ميغا
فكنت أستنى الفجر علشان تتحمل سريع خلال ربع ساعة بس، ويا سلام على السرعة
وبعدين تجيك الفاتورة بقيمة سيارة
تذكرت هالكلام ألحين لأنه طلعت لي رسالة تحديث في الجوال تقول لي في ملف تحديث حجمه 440 ميغا
يوم قلت له نزله طلع لي إنه بيستغرق 3 دقائق
شوف الأيام كيف تمشي والأحوال تتبدل
الشيء الجميل واللي أبدا ما يرفع الضغط
هو يوم كان النت بطيء جدا كانت شركة الاتصالات تحاسبنا على الوقت
ولما صار النت سريع صارت الشركات تحاسبنا على كمية البيانات، وإذا أخذت مفتوح يطلع لك استخدام عادل