ملتقى طلاب وطالبات جامعة الملك فيصل,جامعة الدمام - عرض مشاركة واحدة

LBA GLBAK · 2020- 6- 22

اقتباس:

المشاركة الأصلية كتبت بواسطة ايمان فاضل

سلام عليكم
لوسمحتم ابي استفسر بخصوص الواجبات والمحاضرات والمناقشات والتقييم
نحلههم بالنظام الافتراضي ولبلاك بورد
والاعايدي واحد منهم يكفي؟
جزييتم خييرا

وعليكم السلام ورحمة الله وبركاته

ايه عادي انك تختارين نظام واحد وايضا عادي انك تشكلين بين النظامين لانها مكمله لبعض

على سبيل المثال تقدرين تحلين واجباتك من النظام الافتراضي ثم تكتفين بهالشي وبعدها تنتقلين لنظام البلاك بورد وتحلين مناقشاتك وتحملين محاضراتك المسجلة والمباشرة والامور الباقيه ماعدا واجباتك تتركينها بدون حل على نظام البلاك بورد لانك انهيتيها في النظام الافتراضي

النظام الافتراضي يعطيك النتيجة فوريه على الخارطة الاكاديمية ويريح قلبك وخاصه تحميل المحاضرات، لكن البلاك بورد يحتاج وقت و تحديث علشان يوضح لك على الخارطة الاكاديمية، يمكن يحلون هذا التاخير في الرصد على نظام البلاك بورد مستقبلا والعلم عند الله

وفيه ملاحظه مهمه: اذا حليتي واجب على الافتراضي واخطيتي فيه مره ومرتين وثلاث وصار باقي لك محاوله اخيره وقفي ولاتستخدمينها واتركيها وروحي لنظام البلاك بورد
لنفس الواجب وسوي الحل الصحيح هناك وراح يحسبون لك الدرجة الافضل الي تم رصدها على نظام البلاك بورد

حبيت اوضحها لك و للجميع بالتفصيل لان كثيرين الي يسالون عن هذا الموضوع

والمعذره على الاطاله

وفالك التوفيق ان شاءالله