صباح الخير
طبعاً امس جاني اتصال من مدرسة ولدي خلعوني و انا بعدي ما اصحصح من نومي خلوني اصحصح غصب
الو السلام عليكم لو سمحتي اختي الطالب فلان ما جبتو اوراقه ولا كملتو الإجراءات و احنى رسلنا لكم رسايل طبعاً كل هذا الكلام بزمخه شوي معصب الاخ
قلت له اول شي ما وصلتني رسالة منكم
ثاني شي انا انتظر قروب انتظر اي شي عشان نعرف متى نجيب الأوراق
الاخ ما عجبه كلامي عطى الجوال واحد ثاني يكمل المكالمه
الدليل ان رقمي كان عدل و انا حاطته ف النظام عدل اتصالهم امس إلي خلاني طول اليوم انا اخلص شغله و انا من الاساس تعبانة
على طول كلمت عمتي تشتغل ادارية ف مدرسة السالفه كذا كذا كذا رسلت لي المطلوب و قالت بعد زين تسوي فيه لما رديتي عليه قهرني
و عرفت انهم رسلو رسايل للأمهات قبل تاريخ ١٠ محرم ع الواتس و انا المسكينة انتظر ما وصلني شي
بس قلت لزوجي اليوم لم تروح قول لهم ان سكت عنهم بعدين بعد بضيفونا بقروبات يحطو فيها الاطفال تطلع الساعه كم وما يصيفوني و يصير لولدي شي اسوي النون وما يعلمون مو جاي يزمخ على راسي جعل راس العدو البط
خسارة مدرسة اولاد لو بنات كان رحت هاوشتهم بعد التقصير منهم و يجو يعصبو و يزمخو و حالتهم حاله