,
طرح جميل وافضال المعلمين لاتنسى
مع اني كنت طالبه جدا هاديه وحيويه ف قصتي تشبه قصة عطر
ايام المتوسط كانت في معلمة دين للامانه انسانه مالقيت مثلها الله يذكرها بالخير وين ماكانت
كانت جدا سلسه وتذكرني وتذكر خواتي من بعدي الين جات مره كنت رايحه اصلي التراويح مع امي ايام رمضان
وكنت وقتها بثالث ثانوي وشفتها والله يوم شافتني خمتني وجلست تسلم تذكرتني وسألت حتى عن خواتي
وتعرف امي حتى وكل ماشافت امي بمكان تسلم عليها كنها تعرفها من مبطي
اما الموقف الثاني كان سيئ للاسف
كنت بثاني متوسط وكانت مدرسة علوم وكانت اول الدراسه وجدد اتوقع اول اسبوع او ثاني اسبوع
قلت لها قدميني بالصفوف الاولى قدام لأني ما اشوف من بعيد قالت لي قدام الطالبات ليه ابوك
ماعنده فلوس يفصل لك نظاره يوم انك ماتشوفين وكان بأسلوب استهزاء يا اني كرهتها وقتها وكرهت حصتها ومادة العلوم بكبرها
حسبي الله بس اكرره المعلمه اللي تشوف نفسها ع الطالبات
سبحان الله المعلم بنفسه يقدر يحببك بالماده ويقدر يكرهك فيها لأنه يعتمد ع الشخص واسلوبه
وكل شخص يترك له بصمه كانت خير دعوا لك وان كانت سيئه ف الله يعينهم ع الدعاوي عليهم