والله هالواتساب صرت أخاف منه
هالاسبوع تهكر حساب نسيبي
وطلبوا أرقام بطاقات صراف على أساس أنه له
ونصبوا على كم واحد من اهله وربعه ومن ضمنهم اخوي
وهو شلون اكتشف دق واحد من ربعه قال خير أبو فلان اش محتاج الفلوس فيه عسى ماشر بس بقولك اني بمر لك واجيب المبلغ لاني مااعرف للبطاقات وكذا
استغرب وقال مو محتاج شي شسالفة وقال إنه طالب على قروب العمل ف الواتساب وقام بيتاكد من واتسابه مانفتح من جواله
وكلم صديقة قال له شكله حسابك تهكر
وبدت رحلة المطاردة راح بيلغي رقمه ف الاتصالات ع اساس انه متهكر ماقدر قالوا له يحمل التطبيق ويقدم بلاغ
وبعد مابلغ عن طريق التطبيق قالوا له بعد لازم تحضر وتبلغ شخصيا عشان نكمل الإجراءات وللحين ماتغير شيء الحساب لسه متهكر ومستمر ينصب ع الناس
راسلو الواتساب يقفلون الحساب المتهكر ماقدروا يقفلونه
ولين الحين هو يراسل الناس برقمه وينصب عليهم
فقام هو يدق على أكبر عدد ممكن من الأرقام اللي عنده ف الجوال يحذرهم
وحط التحذير على سنابه عشان مايتواصلون مع واتسابه أو يعطونه أرقام بطاقاتهم