.
نتكلم انا واختي عن قصة خوات تزوجوا اخوان ..
لكن واحد منهم مقتدر مادياً والثاني وضعه أقل ..
المنطق ان تكون فيه غيرة بين الاختين لما هذي تجيها كل طلباتها وذهب وسفر وبذخ والثانيه يدوب يغطون مصاريفهم الأساسية ..
مع الأيام ظلت الفكرة براسي وان لازم حل للمواقف اللي كذا لانه شي متعب أكيد ..
استوعبت نقطة جاية من تجربه ..
وهي ان يومياً عندك مليون سبب يخليك تغير وتحسد وتنشر مشاعر سلبية ..
طيب الكلام هنا وين دور جهاد النفس وترويضها ؟!
واكتشفت شي أهم وأعمق ..
ظاهر القصة ان في وحدة تعاني وأقل من وحدة ..
لكن لو تستوعب البنت اللي وضعها سيء ان بجهادها لنفسها وتركيزها على حياتها وان كل انسان وظروفه ومافي مجال الانسان يقارن ويركز في بيوت الناس ..
>> بتستوعب انها قاعده تؤجر أساساً !!
الحقيقة اللي قل ما نستوعبها وقت الشدة ..
ان الحسنات ما تجيك وانت مبسوط وامورك تمام ..
لازم تمر بشدة ..
وتقاوم وتصبر وترجع تفلت اعصابك لانك بشر وترجع تحاول وتحاول ...
كل هذي الابتلاءات رزق لك لكن بصيرة الانسان ما تستوعبها ..
.