|
رد: الشعور اللي تجاهك غير حروف القوافي
يا متعب القلب قلي ويـش غلطاتـي
أن كنت أنا أقدر أعدلهـا .. بعدلهـا
لاصرت تجهل عناء الدنيا .. وضيقاتي
من دون ماشرح لك أوضاعي تأملها
الوقت ضدي .. حرمني من ملذاتـي
والصد بعدك ذبح روحي .. وكملهـا
لا .. لايغرك كثير الصمت .. وسكاتي
خل المشاعر تقول ( الآآآآه ) وإسألهـا
يسكني الحب .. واضح من عباراتـي
وش عاد لجلك حروفي لـو أدللها
عذبني الشوق وأسرفـت بخيالاتـي
روح ٍ تحبك دخيلك ليش .. تهملها
ياليتك إشوي تشعـر فـي معاناتـي
دنياك يمكن عليك تضيـق باكملهـا
الحزن كنه سفيـري فـي علاقاتـي
والهم خيّم على حالـي .. وطولهـا
أغديت دربي وتاهت فيـك خطواتـي
كل المواعيد مدري ليـش تجهلهـا
سنين أحاول وضاعت كـل حيلاتـي
ماتدري أني ( حيـاة الـذّل ) مقبلهـا
لاجيتك أسال وأدوّر فيـك ضحكاتـي
كنك تعمد بيديـك اليـوم .. تقتلهـا
لا تترك الظـن يلعـب بإحتمالاتـي
الكلمه اللي تحزّ بخاطـرك .. قلهـا
تعال شفني وحـس بحـال لوعاتـي
كن الدقايق بدونـك عـام مطولهـا
متى التباشير بقدوم ( الغـلا ) تاتـي
فرحة زماني بشوفـك مـا تخيلهـا
خلاص صبري تعـدى كـل هقواتـي
أتعبت نفسي ( أعزيهـا .. وعللها )
أبيك تنسى وتدمـح كـل ( زلاتـي)
بعض البشر صعب مانقـدر نزعلهـا
والحين جيتك أبمسح كـل غلطاتـي
دنياي دونـك وربـي ماتحملهـا
|