|
رد: الشعور اللي تجاهك غير حروف القوافي
مسا السعاده والهنـا والمسـرات
مسا المحبـه والفـرح والاغانـي
مسا يهز الوجد في كـل الاوقـات
مسا يزلـزل مابقـا فـي كيانـي
هلا هلا ياكاسـي الليـل شمعـات
تعـال ولّـع بالضلـوع المحانـي
وشلون غيرت الزمن والمسافـات
خليـت ساعـات الليالـي ثوانـي
مديت لي حبل الرجا بعـد مامـات
ماكان ظني يبتسـم لـي زمانـي
حطيت لي في درب الاشواق وقفات
اشعلت في جوفي حريـق الامانـي
صرفت لك من غالي الدمع دفعـات
جاتك هديـه ياعريـب المجانـي
خذ مابقي عندي شكاوي وشرهات
خذهـا ولايـدري بهـا مودمانـي
نبي يروح الليل فرحـه وبسمـات
نبـي نغنـي ليـل دانـه لادانـي
ارسل مزون الحب وقفه وسجـات
لين انها تروي ظمـا كـل عانـي
يافرحـة ايامـي كفانـي متاهـات
تعبت ادور فـي حياتـي موانـي
مركب غرامي ينتظرك انت بالذات
والله مايركب معك شخـص ثانـي
كان الهوى غلطه فزدني خطيـات
مانـي بقايـل ياحبيبـي كفـانـي
لاتنتهـي تـوي لقيـت البدايـات
يوم القدر في كف حبـك رمانـي
|