صباح الخيرآت..
- الله يبلغنا وإياكم رمضان لا فاقدين ولا مفقودين يارب العالمين
مبسوطة بجية رمضان كثير،.
دايمًا أفقد فيه وقت العصرية مع أبوي الله يرحمه
من كنت صغيرة كان يعلمني ع الطبخ، خصوصا الأكلات الي كان يسويها
ماشاء الله كان نفَسَه في الأكل كثير طيّب
ومن بين الأمور الي علمني اياها لف السمبوسة
كنت بصف سادس ومن وقتها تعلمت ألفها مضبوط
وصار كل وقت عصرية نحط برنامج ونجلس نتابع انا وياه ونلف
أو يسولف لي عن زمانه وهو شباب
كان هالشي صعب فالبداية علي إني أتذكره، لكن الآن صرت أسترجع الذكريات هذي وأضحك عليها
وأدعي له بالجنة بشوش الوجه.. أرجو من الله يدخلها ضاحك مستبشر بالعوض والنعيم
السنتين الاخيرة صرت وقت العصر أعلم اخواني الثنين الصغار كم حاجة ومنها لف السمبوسة
عجبتني فكرة إني أزرع فيهم من شخصية أبوي، والأمور الي كان يحبها
ممكن هذا أقل شي أسويه لهم انو يعرفو كيف كانت شخصيته لما يكبرو .. وإيش كان يحب
ويشوفو الأشياء هذي انزرعت ان شاء الله فيهم ..
* حديث ما قبل النوم.