AI
اختصار لـ Artificial Intelligence
يعني الذكاء الاصطناعي
هذي الهبة الجديدة هذي السنوات. هي كتقنية قديمة جدا، لكن التركيز عليها هذي الأيام شديد وجالسين نشوفه وصاير الطلب عليه عالي أيضا في الوظائف
ومن اللغات المشهورة في عمل هذي التقينة هي لغة بايثون Python
لما تتصفح موقع وتبحث في قوقل عن منتج معين تشوف بعدين هذا المنتج وأشياء قريبة منه طالعه لك كإعلانات تجارية، هذا هو الذكاء الاصطناعي
ما يحتاج أحد يراقبك علشان يطلع لك الإعلانات المناسبة، الإعلانات تطلع لك حسب اهتماماتك، ومو كل الناس تطلع لها نفس الإعلانات
وهذا مجرد مثال طبعا.
الذكاء الاصطناعي هو اللي يتحكم بسيارات أوبر في أمريكا الآن، تركب السيارة بدون سائق وهي توصلك إلى المكان اللي تبي
أذكر أول برنامج بتقنية الذكاء الاصطناعي شفته كان قبل يمكن عشرين سنة، برنامج محادثة اسمه دايزي، كان شاشة سوداء مثل شاشة الدوز DOS
تتكلم مع الكمبيوتر ويرد عليك
ومع الوقت يتعلم منك، وتشوف ردوده تتغير ويصير يرد عليك بنفس أسلوبك وكلماتك