.
علمتني الحياة ..
انه مهما حاولت أن تستوعب المواقف الي تحصل مع الآخرين وتقّدّر ظروفهم ستظل مجرد انسان عاجز لا يستوعب شيء لم يمر به حتى الآن ..
..
اليوم كنا بالسوق انا واختي ..
قطعنا الشارع بنروح للسيارة بالباركينج ..
اختي طلعت على الرصيف وانا كنت امشي تحت مكان السيارات ويمر من البوابة الي تطلع منها السيارات ..
اختي تعجبت بنيها وبين نفسها تقول افكرك تستهبلين انه ليه بتمرين مكان السيارات ؟! اكيد تمزحين ..
قلت لها ابي اخفف طلعه ونزله علشان ركبتي ..
ردة فعلها هي الي لفتت نظري ..
انصدمت انها ولا جا ببالها ولا لثانيه اني امشي تحت علشان ركبتي تألمني ..
مع انها عارفه اني لي مدة أعاني من ركبتي واتعالج منها ..
سبحان من له الكمال ..
وأنا برضو تصير معاي ..
مع اني شخص مبتلى من وانا طفله وماني شخص مُرفّه نفسياً..
لكن حتى أنا بعض الأحيان أقع في نفس الفخ ..
سبحان الله العلي العظيم ..
الكمال لله وحده ..