و طبعاً رحلة اكتشاف الذات تتعارض احياناً مع اراء الاهل ومعتقدات العم و مشورة الاخت الكبيرة و و و و طبعاً اول شي سويته عشان اعرف انفرد بمخي استقلت من وظيفتي السابقه لانها كانت تخليني حتى وقت النوم اتقلب بالنوم وافكر وارد ع الداوم واقسم بالله العلي العظيم والمشكلة الاعظم عملي السابق كانوا يحسبوني من ممتلكاتهم قالوا ماتطلعين وليه تطلعين وانتي من المؤسسين وخبره و و و والله اذكر يومها رجعت بيتنا وسندت راسي ع كنبة صالتنا الكركمية قلت يارب ساعدني انا لاحول لي ولاقوة ونمت عاد لاتحسبون من بكره انحلت المشكلة لأ عاد المهم صار سيناريو واقسم بالله لو حد قايلي بيصير ب اقولكم مستحيل وهذا الأمر خيالي لكن سبحانك يارب بطريقة ما حصل الخيال وصرت ملك نفسي طبعاً هاالشيء كان له ضريبة وليومكم ما انحل من جهة ثانية بس عالاقل هه المهم مالكم بالطويلة واخذت اجازة من كل شي لمدة 8 / 6 شهور تقريباً وبدأت بعدها تنرسم لي بدايات مختلفة وانا صرت بنسخة غير السابقه ومازلت لليوم ابحث وابدل واعدل بس اعترفت بخساراتي تصالحت مع اخطائي عدلت اولوياتي تنازلت عن بعض احلامي سمحت لها تروح , قلت انتي مو لي و آمنت ان الذكرى القديمة لو سمحت لها تتجدد يمكن حتى هي ترفض و وقفت التطرف بأأي فكرة , الزمن يتغير .. ما اقبله اليوم يمكن بكرة أرفضه وممنوع المقاومة , الله اعلم