ياكابتن الجولات ودي بتفسير
ذاك الشهر عدّى وهذا معدّي
كل ما ربطنا الاحزمه صار تأخير
نوبٍ تسرّعها ونوبٍ تهدّي
وانا على افعالك اسوق المعاذير
لو كنت اشوفك بين جزرٍ ومدّي
ياللي تسيّرها على غير تبرير
حاولت اعديها وعيت تعدي
ان كان جوك فيه عجٍ وتحذير
لابد لك توقف وقفة تحدي
الوقت له شان وحساب ومعايير
وانا على وقت الوعد مستعدي
تغيرت الاحوال واثر المقادير
ماتترك اللي في مساره مقدّي
والرحلة الملغاه من غير تقدير
تاخذ حقوق الناس ظلم وتعدّي
ماعاد ودي بالسفر والمشاوير
انا على ارضي وحدي وعدّي
و ان عودت وقفات بين الطوابير
لله در اللي بطيبه يندي