السلام عليكمورحمه الله
انا يا حبايبي رحت اليوم لاشراف الخبر قالت لازم تروحين الدمام وتاخذين خطاب منهم ولا تطلعين الا هو معك مهما يصرفونك عرفت ان السالفه فيها يا غالب يا مغلوب وعلى طول رحت للاداره التعليم في الدمام ودخلت ما اعرف شي بس خطاباتي معي واجلس اسال البنات الين دلوني المكان وعلموني ايش اسوي الله يرضا عليهم
المهم كان فيه طاوله عند الباب في الممر تشوفين على الجدار وش الخطابات المطلوبه منك وتكتبين اسمك في الملف الموجود وتعبين بيانات وبعده تكتبين بقلم الرصاص على اوراقك اسمك والمدرسه والمدينه
وبعدها دخلت عندهم زحمه والموضفه اللي تسوي الاوراق طفشانه وما تبي احد يكلمها
كلمتها كذا مره وعيت في النهايه اخذت ورقتي وحطتها اخر الاوراق اللي على مكتبها وقالت تعالي بكره قلت في نفسي ما راح اطلع الا وانا شايله خطابي بيدي قمت اكلم وحده ثانيه شفتها معهم وقلت لها مقدر اجي مره ثانيه وضروفي صعبه لازم اطلع بخطابي الان قالت روحي لفلانه نسيت اسمها ورحت وقلت لها كذا وعلى طول طلعت ورقتي وخلت الموضفه تسويها وطلعت ويوم اشيك على الاوراق الا الاقي اوراق بنت ثانيه معي رجعت رجعتها لهم المهم ترى هناك بنات يراجعونهم من يوم الخميس مو اللي فات من اللي قبله تخخيلوا ولا عطوهم اوراقهم معن الشغله بسيطه بس العددكبير وموضفتين بس وحده شاطره والثانيه مالها خلق تسوي شي
الزبده اذا رحتوا لا تطلعون الا باوراقكم وتاكدوا ان اساميكم موجوده لا تجلسون تنتظرونوفي النهايه يطلعون مضيعين اوراقكم زي اوراق البنت اللي لقيتها معي
وبكره انشاءالله بروح مكتب الاشراف مره ثانيه ويوجهوني على المدرسه اللي اخترتها ... وسلامتكم
طولت الهذره بس لاني كنت احتاج احد يعلمني ايش اسوي وانا رايحه لهم فقلت افيدكم