المشاركة الأصلية كتبت بواسطة أسماء عبدالعزيز

السلام عليكم ورحمة الله وبركاته جميعاً

بدايةً أسأل الله العظيم الكريم أن يوفقنا جميعاً وبالأخص المخصوص اللي مجتهدين ومن الحين يفحطون

الله يوفقنا الله يوفقناا ,,

الزبدة كالتالي:

رحت اليوم المدرسة وكنت متوقعه أدخل أوريهم الأوراق وأبدأ معهم!
دخلت والأمر مختلف تماما عما ظننت ,
استقبلتني المسؤولة مرحبةً قائلة: أين خطاب الإشراف؟
- أي خطاب ؟!!
- لا لا لازم تروحين الإشراف التربوي بالدمام وهم يوجهونك لنا يعطونك خطاب ...
- غريبة ماقال لنا الدكتور كذا !
- هذا النظام جديد !
- طيب يعني اروح الحين وأجيكم بالخطاب ؟
- إيه
- طيب

طبعاً من بين الحوار عرفت أني علم اجتماع عن بعد في جامعة فيصل ..

رحت للإشراف بأوراقي أخذوا مني 3 أوراق ( الخطاب - ونموذج المباشرة - والتزام الطالب خلال فترة التدريب العملي) بعد ما عبأتها كاملة اسمي ورقمي الجامعي والمدرسة اللي أبي أتدرب فيها ...

ثم قالت لي تباشرين التدريب من 1435/6/1هـ ثمانية أيام متواصلة
قلت لها ليه أنا مرتبه نفسي ودوامي على أساس أفرغ الأثنين كامل للتدريب
قالت خذي إجازه (يعني السالفة غصب)
انا حابة فكرة إني كل اسبوع يوم أتدرب مابي 8 أيام

رفضت تماما وأجبرتني على هذا على أساس أن الجميع بهذا الشكل

ثم قالت خلاص احنا راح نرسل الخطاب والأوراق للمدرسة اللي انتي تبينها

فيه أحد صار معه كذا؟

وهل اللي صار طبيعي

وشكراً لكل من سقطت عينه على هذا السطر بالذات