المشاركة الأصلية كتبت بواسطة S.a.j.a

اهلين بنات
انا عندي عده استفسارات
انا بديت بالتدريب لي يومين وبكرا الثالث ..
بعضهم يقول مايمدي ادرس الحاله .. ترى الوضع مو مثل ماتتصورين .. تجيك وحده ماتحفظ ولا ماتذاكر وتقول لك استلمي حالتها .. واقعدي معها كل كم ساعه وانتي مخلصه ..

يعني انتو مكبرين دراسه الحاله ولا اانا اللي ماني فاهمه مره !
يعني بالله يومين مع هالبنت وش بتسوين معها لين ينصلح حالها ..
اصلا لين تصلحين حاله بنت لابد تكونين موظفه وملمه بجميع ظروفها ..

الشيء الاخر
بالتقرير فيه في انشطه وبرامج
المرشده اللي عندي ماهي فاهمه ولاعارفه وش اسوي .. دوامي اليوم ماسويت شيء بتاتا هي طول الوقت مشغوله وماعندي شيء استغل فيه !
مع العلم انه قبل كم شهر جايتهم متدربه زينا .. بس تقول نسيت وش سوينا معها


ونقطه اجراء البحوث .. حتى هذي كيف ؟
هل هو البحث اللي مطالبين فيه ولآ شيء ثاني


وايضاا العمل مع جماعات
هل العمل على حاله جماعيه .. او ايش ؟
قريت بنموذج التقرير
انو العمل على جماعه المصلي وكذا
المدرسه اللي انا فيها مافيها شيء يحمس او اعمل فيه
والمرشده ماهي عارفه دورها معي ابدا وصايره اداوم على الفاضي .. ومااسوي شيء :(
بالله دلوني .. عشان مايضيع وقتي وبالنهايه اكتشف انه علي متطلبات لازم اسويها
انتظر ردودكم !
واللي عندها صديقات افضل لها تكون بنفس المدرسه مع بعض لانه الوضع يطفش لحالك
وما معك احد والمرشده طول الوقت مشغوله عنك :/