هذي قصة حدثت لي شخصيا ومو عيب اني اذكرها
بعد النجاح من أول ثانوي وفي الاجازة الصيفية حدثت مشادّة مع أبي خلتني اطلع من البيت ولا ادري وين اروح
قلت بسافر عند جدي بالرياض وركبت ليموزين يمكن ما كان عندي الا 200 ريال
قلت له يوديني المطار .. سجلت على رحلة انتظار لحد ما صار الحجز اوكي
وصلت الرياض على اساس بتخبى ببيت جدي لحد ماربي يفرجها
تذكرت زوجة جدي النسرة وانها بتعلم ابوي اني عندهم
فألغيت موضوع الذهاب لبيت جدي .. وجلست يوم هاااايم بالشارع مدري وين اروح
قدر الله أجد أحد أصدقائي وهو من الأقارب من بعيد
شرحت له الموضوع .. وبحكم انه بعمري كان مراهق ومندفع شوي فقال تعال معنا انا واولاد عمي جالسين بالمزرعة
جلست عندهم شهرين يمكن
يعني شوفوا سبحان الله هذا الصديق كيف ربي سخّره لي اجده امامي وانا من سنتين عنه وبمدينة ثانية
،،
قصة أخرى يرويها لي صديق وحدثت لقريب له
يقول صديقي .. تزوج قريبه وفي يوم زواجه ما تبقى معه الا 500 ريال .. فما عرف وش يسوي وكيف يدبر اموره الايام الجاية خصوصا انهم معاريس
يقول دعيت ربي يفرج كربتي ونويت اسافر لمسقط رأسي أصل رحمي وامشّي زوجتي ببلدة صغيرة مافيها مصاريف كثيرة يعني مناسبة لامكانياتي
يقول مريت على عمة ابوي - امرأة عجوز - انا وزوجتي وكانت وحيدة وسلمنا عليها وجلسنا معها ..
يقول جينا نطلع وتمسكني عمتي واقول لزوجتي اسبقيني اركبي السيارة
يقول وتحط بيدي عشرة الاف ريال هدية زواجهم وأنا بأشد العجب لأنها على قد حالها
يحلف العريس لصديقي .. يقول ما كان جاي على بالي تعطيني شي ولا كان هذا الشي سبب لزيارتها
سبحان الله .. صلة رحمه كانت سبب لفكّ كربته.
‘‘
يعطيك العافية اخوي على كلماتك الرائعة