2014- 3- 16
|
 |
متميزة بملتقى الفنون الأدبية
|
|
|
|
|
طرد المقـفي عيـــب
http://www.youtube.com/watch?v=ahd81m1yg_I
قُلي تبيني صـــدق ولا وش اخفيت
ترى الصــــراحه ماتنقص غلاتك
بقفي ولك وجهي وحتى انت لو اقفيت
حقك علي ســـترك وهذي حياتك
ليت الحنايا مـــــاتعرف التناهيت
او ليتني ماســـرفت في حب ذاتك
لو حاجتي عند العـــرب ماترجيت
لكــــــن تغانمني ولملم شتاتك
وش هو شـــعورك لو يقولو توفيت
وش هو شــعوري لو دريت بوفاتك
ســـير علي مادام لك بالحشا بيت
قبل الغياب يهد ســــور امنياتك
كنت احسب اني في عطاء قلبي اقديت
واثر كثر الاســراف بالقلب فاتك
غيرك بغـــــوني بالمحبه وعييت
لأنك خذيت الروح ماقـلت جاتك
ســـقت الاماني في رجاك وتمنيت
وعلى القسـى والهجر دارت رحاتك
مرضت منك واحسـب اني تشاليت
ياقلبي المجــــروح قضي جزاتك
مامداك تبغي تـروح من بعد ماجيت
تستعجل الروحـــه وتذبح غناتك
ليتك قنوع وليتـــك تحس ياليت
اوفر علي من التــعب في وصاتك
خطاي قلت اني احبــك وسجيت
وانا موصي القــلب يخفي غلاتك
ادخل عليك من الردى وانت رديت
تذكر اني صــحت والوقت فاتك
ابغيك لكـن مااقدر اتبعك لأقفيت
طرد المقفي عيب كــلمه وجاتك
|