|
مستحيل البهذله والذل الي زي كذا ابي حل للموضوع
قسم بالله مستحيل الذل الي ذالينا اياه بذا الجامعه
طلعت روحنا على ذا التطبيق وربي ما صارت طبعت الخطابات و وديتها من قبل اسبوع ونص يمكن واخترت مدرسه
أطبق فيها وقالوا لي راجعي المكتب بعد كم يوم وراجعت المكتب وقالوا ما وصلنا شي ورحت الاداره وخذت الخطاب الموجه للمدرسه
ورحت للمكتب و وقعوه ورجعت للمدرسه قالت اكتفينا طيب ! سوات يعني ! ارجعي للمكتب وغيري المدرسه
ارجع للمكتب كل المدارس مكتفيه ومافي الا مدرسه وحده احتمال احتمال يقبلونك جربي 
يعني مدري وش اقول وش ادعي
يعني اصدق ماتقدرون ترتبون الموضوع من اول بحيث يكون موقع ونختار المدارس الي نطبق فيها
أو ع الأقل موقع يبين لنا المدارس المسموح تطبيق فيها وكم العدد المسموح وإذا هي مكتفيا أو لا
مو نروح للمكتب ونرجع نروح للمدرسه ثم يطلع مافي مجال ونرجع للمكتب قسم بالله ماصارت
ترا مو الكل فاضي لهدرجه في ناس عندها دوامات ماتقدر تستاذن كل يوم وفي ناس عندها عيال صعب تقطها عند خدامه فوق الكم ساعه وفي ناس ما عندها مواصلات
يعني ودي افهم الحين والسوات وش مفروض اسوي
|